Comezou o día con un pequeno madrugón, para ir a xogar ás 9:00. O resultado non importa, pero soamente vos direi que o vindeiro Domingo teremos que remontar 3 goles. A cita: ás 13:00 horas no campo de Baño.
Logo de alí fumos(o Viga i eu) a tomar as cervexas ó Bar Muelle cos compañeiros do equipo. E de alí de volta ó campo a ver o partido do equipo de Juli, que tiña importantes novidades, entre a que destacaba a presencia de LLOGUET. A ver o que dura.
Ás dúas da tarde fumos ó Farrucán, onde máis ou menos nos xuntamos todos, e logo de tomar unha volta dirixímonos á CAMBEIRA, que realmente fora o punto de partida no que quedáramos de reunirnos.
Case con puntualidade inglesa chegamos ó BAR MANOLO e logo de sentarnos, asentarnos, levantarnos, volvernos a asentar, cambiar platos, etc, procedemos á degustación do cocido. Na mesa había uns pinchos: mexillóns á vinagreta, empanada de carne asada(recomendada) e queixo con aceitunas. Mentras íamos rematando cos pinchos, José, ca súa nova imaxe, comezaba a servir o cocido: fontes con cachuchas enteiras, chourizos, grelos, costilla, garbanzos....etc. Aínda que eu soamente comín orella, chourizo, grelos e garbanzos, ninguén protestou por nada, polo que todo debería estar ben. Hai que lembrar que algúns non ían a comer o cocido(aínda que algún o comeu, sendo un dos que dicía que non lle gustaba), e puideron tomar polbo á feira e carne asada.
Tralo postre o café, e logo da pequena inxesta de viño, chegou o prato forte. Algún non daba feito nin se daba decidido si tomar o café con caña, ou tomar un LK, ou mollar o puro en coñac, ou tomar unha copa de coñac, ou guindarlle LK ó café, ou botarlle unhas pingas de café á caña....ou que facer. Ó final, algún case fixo de todo. A gran maioría fixo de case todo o citado...incluso houbo quen fixo máis.
A partires de ahí, e logo dunha pequena sobremesa, decidiuse desfrutar da terraciña do bar, e mentres uns simplemente tomaban o fresco, outros xogábamos ó TRUCO. Había tempiño que non xogaba. Perdín unha partida e gañei outra.
Fíxose noite e algúns xa tomaban cubatas. Cando xa case non había con quen falar decidimos marchar de alí, para ir á festa a Leiro. Eu fun á casa, a cagar. Os demáis foron a tomar outra á de farruco. Ben, houbo quen desapareceu....e non se soubo del ata máis tarde. Cando máis ou menos nos xuntamos outra vez decidimos ir para Leiro, aínda que houbo quen prefireu tomar algo por San Lois.
Fumos para Leiro. O coche de Máximo levábao Martina, que era a que menos bebera. Tomamos unha no bar de arriba e baixamos para diante do palco, que é onde realmente é a festa. E a partires de ahí...pois o de sempre: brincos, bailes, cubatas, cervexas, etc...e ata que non puidemos máis fumos aguantando alí...
Máximo, Martina, María i eu marchamos ás 4. Viga e Myriam marcharan sobre as 3 e media. Castromán levaba un par de horas a durmila entre o bar e o coche. Guan, Kily, Peras e a SALAMANDRA FUCK viñeron canda nós. Ruben e Silvia xa marcharan directos da de Manolo, case como Espy que tiña unha cea en Vigo. Sbeik xa tampouco chegara a ir a Leiro. “FOISE FORA” en San Lois e tivérano que levar á casa. Rachel, Iria “a china”, Iria “a de Jelús”, Patri, Fidel, Manuel, Kuruf e Nuria creo que quedaron ata o final da festa, xunto con Duby e Olalla tiveron que aguantar a Killo, Terry e Piru ata a Ponte. Ben, minto: a Piru e a Terry tivéronos que levar á CHANTECLAIR. Piti e Mónica xa non viñeron a Leiro, supoño que irían tamén a CHANTE. E nada máis. Soamente decir que estivo de puta nai esta nova edición, e a ver si para a seguinte xa podemos contar con todos dende o principio.
Podería ser máis extensa a crónica, pero o certo é que non teño moitas ganas de escribir. Tamén podría haber fotos, pero eu, pardillo de mín, non comprobei si tiña as pilas xunto coa cámara, e quedáranme no coche na Cambeira, e aínda que non estaba moi lonxe, non me apetecía ir a buscalas. Agardo que os que as quitaron vaian facendo as súas aportacións.
Un saúdo caralludo.
A PONTE EXISTE!!!
No hay comentarios:
Publicar un comentario